баһар чиллаймән



аптори: абдуреһим өткүр

микрофунда: қарахан

музлуқ кочиниң тамлири қийсиқ,
мәһзун шәһириниң дәмлири сиқиқ,
булуң пучқақни қоймай чарлитип,
қишниң сақчиси челип исқириқ.

күнниң әсири йоқ, һава туманлиқ,
йәрләр титришур, музлиған җанлиқ,
һәр нә шадлиқтин җудадур һаят,
аңлинар һәр ун, муңлуқ пиғанлиқ.

көзләр ғәзәплик, қапақлар түрүк,
һаятниң деми сиқиқ вә үзүк,
музлиған шәһهр баһарни чиллап,
аччиқ ун билән чалатти гүдүк.

турхун түвидә йиртиқ көн өтүк,
чоруқ титрәйду тапини төшүк,
мәсум гөдәкләр чирайи сериқ,
қоллар сунулған, боюнлар пүкүк.

баһар чиллаймәндики инкаслар

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз