һәптилик дуня хәвәрлири 1-апрел


мәсул муһәрир: чоғлуқ

микрофунда: қарахан вә тумарис

1. кимюңун мәхпи һалда хиттайни зиярәт қилди.
2. ш а ә т росийә дипломатийә хадимлирини чегридин һәйдәп чиқарди.
3. Америка тибәткә 17 милйон доллар ярдәм қилидиған болди.
4. Һиндистан далай лама вә тибәтләрдин совуп қалди.

1. хәвәр:
27- март, шималий Корийә алий рәһбири кимюңунниң туюқсиз пойизға олтуруп бейҗиңға келип, хиттай рәиси ши җинпиң билән көрүшкәндин кейин, йәнә пойизға олтуруп қайтип кәткәнлик хәвири елан қилинди. илгири шималий Корийә алий рәһбири хиттайни зиярәт қилғанда, һәр қетим улар шималий Корийәгә саламәт қайтип барғандин кейин андин елан қилинатти. бу қетимму кимюңунниң хиттайни зиярәт қилиши интайин мәхпи елип берилған болуп, 28- март рәсмий елан қилинғандин кейин, андин кимюңунниң хиттайға берип кәлгәнлики испатланған. хиттайниң хәвиригә асасланғанда кимюңун ши җинпиңниң тәкливигә бинаән ғәйри рәсмий зиярәттә болған. кимюңунниң тирамп билән 5- айда көрүшүшкә пүтүшүп, 20 күндин кейин туюқсиз йәнә хиттайни зиярәт қилиши кишиләрниң қизиқишини қозғимақта. тәһлилчиләр »кимюңунни йәнә Америка билән хиттай оттурисида оюн ойнап, шималий Корийә ядро бомбиси мәсилисини арқиға сүрмәкчи« демәктә.

2. хәвәр:

27- март, явропа иттипақиға әза 16 дөләт вә Америка, Канада, новригийә, Албанийә, макидонийә, Украина Қатарлиқ 26 дөләт росийәниң бир қисим дипломат хадимлирини чегридин чиқип кетишкә буйриди. от пилтиси болса 4 – март әнгилийәдә панаһлиқ тилигән росийә сабиқ җасуси сиргий сикрипал билән қизи юлия сикрипал зәһәрлинип, һаятиға еғир хәвп йәткән. әнгилийә тәрәп росийә җасус әвәтип сабиқ җасуслирини өлтүрүвәтмәкчи болған дәп әйиблигән, росийә буни инкар қилған. шималий атлантик әһдигә әза дөләтләр росийәниң истихбаратиға қарита қаттиқ ипадә билдүрүп, җәмий 1443 нәпәр дипломатийә хадимлирини чегридин һәйдәп чиқиривәткән. буниңға җавабән, росийәму 30 – март ғәрб дөләтлириниң бир қисим дипломатлирини чегридин чиқириветидиғанлиқини билдүргән. бу росийә дипломатийә тарихида соғуқ уруштин кейинки әң зор көләмлик дипломатик боһран һесаблинидикән.

3. хәвәр:
23- март, Америка парламинти бир парчә хамчот лаһийәсини тәстиқлиған болуп, 2018 – йили 10 – айдин башлап Америка һөкүмити тибәткә 17 милйон доллар ярдәм мәблиғи беридиған болған. бу лаһийә йәнә тибәт ичидики тибәтләргә 8 милйон доллар, Һиндистан билән нипал ичидики тибәт райониға 6 милйон доллар тәминләшни өз ичигә алидикән. бу райондики кишиләргә сәрп қилинидиған пул 6 милйондин кәм болса болмайдикән. қалған үч милйон мәхсус мәбләғ болуп, сүргүнди һөкүмәтниң һәрқайси органлирини күчәйтиш вә иқтидарини ашурушқа сәрпият қилинидикән. бу тәминатниң тибәт ичигә ишлитилидиған қисми болса миллий мәдәнийәтни қоғдаш, сиҗил тәрәққият, маарип вә муһит қоғдаш Қатарлиқ һөкүмәтсиз тәшкилатларға ярдәм қилинидикән.

4. хәвәр :
далай лама вә униң әгәшкүЧилириниң бу һәптә ахириға орунлаштурған « Һиндистанға миннәтдарлиқ« тәбрик паалийити йеңи диһлидә әндишә қозғап, тибәтликләрниму қаймуқтурди. Һиндистан тибәтләрни 60 йилдин буян һимайисигә елип кәлгән болуп, далай лама буниңға рәһмәт ейтиш паалийити өткүзмәкчи болған. әмма Һиндистан тәрәп хиттай билән мунасивитиниң җиддийлишип қалғанлиқи, икки тәрәпниң юқири дәриҗиликләр сөһбити елип бериватқанлиқини көздә тутуп, бу паалийәтни бәк чоң көләмлик елип бармаслиқни тәвсийә қилған. Һиндистан йәнә юқири дәриҗилик әмәлдарларниң мәзкур паалийәткә қатнишишини чәклигән, миннәтдарлиқ паалийитиму әслидики чоң мәйдандин чәт яқидики кичик бир базарға йөткәлгән. Һиндистанниң хиттай билән тиркишип туруватқан вәзийәттә, хиттайниң күчлүк һәрбий күчини намайән қилиши, Һиндистанниң иқтисади аҗизлиқи, Һиндистанни бир аз юмшашқа мәҗбур қилған вә тибәтләргә қарита қоллашни пәсәйткән.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз