heptilik dunya xewerliri 10-iyun


mes’ul muherriri: tunyuquq

bu heptilik xewerlirimizning asasliq mezmuni:
1. Amérika parlaménti aldidiki namayish bashlandi.
2. ڧeyisbuk shirkiti xittaygha uchur satqanliqini étirap qildi.
3. xittay jenubi déngizdiki bashqurulidighan bomba eslihelirini bikar qildi.
4. jungshing guruhi éghir iqtisadi tölem töleydighan boldi.

xewerlirimizning tepsilati töwendikiche:
1. xewer.
4 – iyun, Amérika uyghur yashliridin salih xudayar we bilal türkistanilar teshkilligen, Amérika washin’giton shehiri parlamént binasi aldida ötküzüliwatqan namayish qizghin keypiyatta dawamlishiwatqan bolup, herqaysi döletlerdiki uyghurlarmu ularni birdek alqishlighan. bu qétimliq namayishning waqti ikki aygha sozulidighan, Amérikida sherqiy türkistandiki xittay zulumigha qarshi qanun maqullatquzush, maginiski qanuni arqiliq chin chüen’goni qanuni jazagha tartishni meqset qilghan namayish bolup, waqtining uzun, meqsitining éniq bolushi bilen bashqa namayishlardin alahide perqlinidu. namayishning 2-küni 5- iyunda dunya uyghur qurultiyi pexri re’isi rabiye qadir xanim we namayish teshkilchisi salih xudayar Amérika parlaménti ezasi jemis mekgawirin ependi bilen körüshken we uninggha sherqiy türkistandiki chektin ashqan zulumni anglatqan. mekgawirin ependi uyghurlar we sherqiy türkistan’gha qolidin kélishiche yardemde bolidighanliqini éytqan . biz muhajirettiki sherqiy türkistan xelqi bilen birlikte Amérikidiki bu namayishning künsayin ongushluq élip bérilishi we téximu katta netijilerni qolgha keltürüshige tilekdashmiz!

2. xewer.
5- iyun, Amérika ijtima’iy alaqe tor béti ڧeyisbuk köpligen xittay shirketlirige ڧeyisbuk abonitlirining shexsiy matiriyalini teminligenkini étirap qilghan. bu shirketlerning Qatarida Amérika chekligen, dunya boyiche üchinji chong eqliy iqtidarliq télifun shirkiti xuawiy shirkitimu bar iken. ڧeyisbuk shirkiti yéqinda xuawiy, liyenshiyang Qatarliq xittay shirketliri we bashqa döletlerning 60din artuq shirketliri bilen uchur behirlinish kélishimining barliqini, bu shirketlerning ڧeyisbuk abonitlirining bezi uchurlirigha érisheleydighanliqini bildürgen. ڧeyisbuk shirkiti yene yuqarqi shirketlerning köp qismi bilen kélishimni emeldin qaldurghanliqini, shundaqla bu hepte ichide xuawiy shirkiti we bashqa xittay shirketliri bilen uchur almashturush kélishimini bikar qilidighanliqini éytqan.

3.xewer.
6 – iyun, Amérika 20 nechche dölet qatnashqan ténch okyan chong kölemlik herbiy maniwirigha xittayning qatnishish salahiyitini inawetsiz qilghan. xittay jenubi déngizdiki taqim arallargha qurghan bashqurulidighan bomba üsküniliri we radar séstimisi ornatqan bolup, yéqinda yene bir bombardimanchi ayropilanni étip chüshürgen. Amérika dölet mudapi’e ministiri hinri matis:« bu xil qurallarning orunlashturulushi we qollinish meqsidi qorqutush we tehdit sélishtin bashqa nerse emes. teklipnamini bikar qilish peqet kichikkine eskertish, eger xittay yenila öz qilmishini özgertmise téximu qattiq jazalashqa uchraydu« dédi. Amérika teklipnamini inawetsiz qilghandin kéyin, xittay gerche taqim arallardiki bashqurulidighan bomba séstimilirini bikar qilghan bolsimu, tehlilchiler xittayning nechche kün ötüp yene bashqa arallarda bu séstimilarni qollinidighanliqini éytti.

4. xewer.
7- iyun, Amérika hökümiti xittayning télifun shirkiti jungshing guruhi délosida nechche ay keskin söhbetlishish, baha talishishlardin kéyin axiri kélishimname hasil qilindi. kélishimname boyiche, jungshing guruhi Amérikigha bir milyard dollar tölem töleydighan boldi. bu tölemdin bashqa yene jungshing shirkiti 400 milyon dollarni Amérikigha renige qoyup, jungshing guruhida yene qalaymiqan ish bayqilip qalsa, bu pulning derhal jerimane süpitide tutup qélinidighanliqi, Amérika mexsus tekshürüsh guruppisi teshkillep, jungshing guruhigha kirgüzidighanliqi békitildi. ötken yili jungshing guruhi 900 milyon dollar jerimane töligen bolup, omomiy jerimane ikki miliyard dollardin ashqan. xittay re’isi shi jinping jungshing guruhini chekleshni emeldin qaldurushni Amérika – xittay soda söhbitidiki muhim bir wezipe üstide otturigha qoyghan. emma Amérika palata ezaliri qet’iy qarshi turghan we tirampning yumshaq qolluqini qattiq eyibligen. axirida, xittay zor sommiliq jerimane töleshke qoshulushi bilen kélishim tüzülgen.

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz