һәптилик дуня хәвәрлири 10-июн


мәсул муһәррири: тунюқуқ

бу һәптилик хәвәрлиримизниң асаслиқ мәзмуни:
1. Америка парламенти алдидики намайиш башланди.
2. ڧәйисбук ширкити хиттайға учур сатқанлиқини етирап қилди.
3. хиттай җәнуби деңиздики башқурулидиған бомба әслиһәлирини бикар қилди.
4. җуңшиң гуруһи еғир иқтисади төләм төләйдиған болди.

хәвәрлиримизниң тәпсилати төвәндикичә:
1. хәвәр.
4 – июн, Америка уйғур яшлиридин салиһ худаяр вә билал түркистанилар тәшкиллигән, Америка вашингитон шәһири парламент бинаси алдида өткүзүливатқан намайиш қизғин кәйпиятта давамлишиватқан болуп, һәрқайси дөләтләрдики уйғурларму уларни бирдәк алқишлиған. бу қетимлиқ намайишниң вақти икки айға созулидиған, Америкида шәрқий түркистандики хиттай зулумиға қарши қанун мақуллатқузуш, магиниски қануни арқилиқ чин чүәнгони қануни җазаға тартишни мәқсәт қилған намайиш болуп, вақтиниң узун, мәқситиниң ениқ болуши билән башқа намайишлардин алаһидә пәрқлиниду. намайишниң 2-күни 5- июнда дуня уйғур қурултийи пәхри рәиси рабийә қадир ханим вә намайиш тәшкилчиси салиһ худаяр Америка парламенти әзаси җәмис мәкгавирин әпәнди билән көрүшкән вә униңға шәрқий түркистандики чәктин ашқан зулумни аңлатқан. мәкгавирин әпәнди уйғурлар вә шәрқий түркистанға қолидин келишичә ярдәмдә болидиғанлиқини ейтқан . биз муһаҗирәттики шәрқий түркистан хәлқи билән бирликтә Америкидики бу намайишниң күнсайин оңушлуқ елип берилиши вә техиму катта нәтиҗиләрни қолға кәлтүрүшигә тиләкдашмиз!

2. хәвәр.
5- июн, Америка иҗтимаий алақә тор бети ڧәйисбук көплигән хиттай ширкәтлиригә ڧәйисбук абонитлириниң шәхсий матириялини тәминлигәнкини етирап қилған. бу ширкәтләрниң Қатарида Америка чәклигән, дуня бойичә үчинҗи чоң әқлий иқтидарлиқ телифун ширкити хуавий ширкитиму бар икән. ڧәйисбук ширкити йеқинда хуавий, лийәншияң Қатарлиқ хиттай ширкәтлири вә башқа дөләтләрниң 60дин артуқ ширкәтлири билән учур бәһирлиниш келишиминиң барлиқини, бу ширкәтләрниң ڧәйисбук абонитлириниң бәзи учурлириға еришәләйдиғанлиқини билдүргән. ڧәйисбук ширкити йәнә юқарқи ширкәтләрниң көп қисми билән келишимни әмәлдин қалдурғанлиқини, шундақла бу һәптә ичидә хуавий ширкити вә башқа хиттай ширкәтлири билән учур алмаштуруш келишимини бикар қилидиғанлиқини ейтқан.

3.хәвәр.
6 – июн, Америка 20 нәччә дөләт қатнашқан тенч окян чоң көләмлик һәрбий манивириға хиттайниң қатнишиш салаһийитини инавәтсиз қилған. хиттай җәнуби деңиздики тақим аралларға қурған башқурулидиған бомба үскүнилири вә радар сестимиси орнатқан болуп, йеқинда йәнә бир бомбардиманчи айропиланни етип чүшүргән. Америка дөләт мудапиә министири һинри матис:« бу хил қуралларниң орунлаштурулуши вә қоллиниш мәқсиди қорқутуш вә тәһдит селиштин башқа нәрсә әмәс. тәклипнамини бикар қилиш пәқәт кичиккинә әскәртиш, әгәр хиттай йәнила өз қилмишини өзгәртмисә техиму қаттиқ җазалашқа учрайду« деди. Америка тәклипнамини инавәтсиз қилғандин кейин, хиттай гәрчә тақим араллардики башқурулидиған бомба сестимилирини бикар қилған болсиму, тәһлилчиләр хиттайниң нәччә күн өтүп йәнә башқа аралларда бу сестимиларни қоллинидиғанлиқини ейтти.

4. хәвәр.
7- июн, Америка һөкүмити хиттайниң телифун ширкити җуңшиң гуруһи делосида нәччә ай кәскин сөһбәтлишиш, баһа талишишлардин кейин ахири келишимнамә һасил қилинди. келишимнамә бойичә, җуңшиң гуруһи Америкиға бир милярд доллар төләм төләйдиған болди. бу төләмдин башқа йәнә җуңшиң ширкити 400 милйон долларни Америкиға рәнигә қоюп, җуңшиң гуруһида йәнә қалаймиқан иш байқилип қалса, бу пулниң дәрһал җәриманә сүпитидә тутуп қелинидиғанлиқи, Америка мәхсус тәкшүрүш гурупписи тәшкилләп, җуңшиң гуруһиға киргүзидиғанлиқи бекитилди. өткән йили җуңшиң гуруһи 900 милйон доллар җәриманә төлигән болуп, омомий җәриманә икки милиярд доллардин ашқан. хиттай рәиси ши җинпиң җуңшиң гуруһини чәкләшни әмәлдин қалдурушни Америка – хиттай сода сөһбитидики муһим бир вәзипә үстидә оттуриға қойған. әмма Америка палата әзалири қәтий қарши турған вә тирампниң юмшақ қоллуқини қаттиқ әйиблигән. ахирида, хиттай зор соммилиқ җәриманә төләшкә қошулуши билән келишим түзүлгән.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз