һәптилик хәвәрләр 2017-тили 2-апрел йәкшәнбә


программиға тәйярлиғучи: абдусалам нияз уйғур

мирофунда: қарахан вә тумарис

өз хәвәрлиримиз:

д у қ муавин рәиси сейит түмтүрүк әпәнди шивитсийәдики уйғур тәшкилатларни зиярәт қилди

дуня уйғур қурултйиниң Түркийәдә турушлуқ муавин рәислиридин сейит түмтүрүк әпәнди, 23-март күни шевитсийәдә паалийәт қиливатқан уйғур комитетниң тәкливи билән икки күнлүк зиярәттә болди.
игәллишимизчә, сейит түмтүрүк әпәнди 23-март шивитсийәдики уйғур комититиниң идарә һәйәтлири вә һәр қайси дөләтләрдин 26-март күни шевитисйәдә өткүзүлидиған нәврүзға қатнишиш үчүн кәлгән меһманлар билән бирликтә уйғур комитениң хизмәтлирини көздин кәчүргән һәмдә муһим соһбәтләрдә болған.
24-март күни сейит түмтүрк әпәнди шивитисйәдә паалийәт қиливатқан уйғур маарип уюшмисиниң идарә һәйәт әзалириниң тәкливи билән сутуқ буғра мәсчитидә зиярәттә болған һәмдә бундин кейинки хизмәтләр һәққидә өз-ара пикир алмаштурған.

шивитисйәдики сутуқ буғра уйғур мәсчитини д у қ һәйәтлири зиярәт қилди

шивитсийәдә паалийәт қиливатқан уйғур комититниң тәклипи билән нуруз паалийитигә қатнишиш үчүн кәлгән Түркийә , Қазақистан, гирманийә, Голландийә, нурвигийә Қатарлиқ дөләтләрдики дуня уйғур қурултйиниң муавин рәис вә тәшкилат рәислиридин тәшкил тапқан һәйәтләр 26-март чүштин бурун шивитсийәдә паалийәт қиливатқан тәклимакан ислам мәдәнийәт мәркизи тәрпидин ечилған «сутуқ буғрахан мәсчити» ни зиярәт қилди.
сутуқ буғра мәсчити идарә һәйәтиниң рәиси фаруқ садиқ башлиқ идарә һәйәтләр меһманларниң алдиға чиқип қарши алди.
кутевелиш паалийитигә риясәтЧилик қилған фаруқ садиқ әпәндим меһманларға шивитсийәдики уйғурлар һәққидә мәлумат бериш билән биргә сутуқ буғра мәсчитиниң қурулуши һәққидиму қисқичә тохталди.
тәклип билән сөзгә чиққан Қазақистандин кәлгән дуня уйғур қурултйиниң муавин рәиси қәһриман ғоҗамбәрди шиеивитсийәдә уйғурларға вакалитән бир мәсчитниң бина болушиниң уйғурларниң дини вә миллий кимликини сақлап қелиш вә кәлгуси әвлатларни тәрбийләштә муһим роли барлиқини билдурди.
кәлгән меһманлардин тәклип билән сөзгә чиққан Голландийә шәрқий түркистан бирликиниң рәиси садиқҗан сәләй Голландийәдики уйғур җамаитиниң салимини йоллаш билән биргә мәсчитниң бундин кейинки хизмәтлиригә утуқ тилиди .
Түркийәниң қәйсиридин кәлгән абдуқадир түмтүрк әпәнди қәйсиридики уйғур җамаитиниң салимини йәткүзди вә униң тәклипи билән көпЧилик Тайланда 3йилдин буян түрмидә йетиватқан уйғурларниң түрмидин чиқиши үчүн дуада болди.
нурвигийә уйғур комитениң идарә һәйәт әзалиридин сираҗидин пәтқулла шивитсийәдә қурулған сутуқ буғра мәсчитиниң бирлик, баравәрлик иттпақлиқ ичидә уйғур җамаитини бир йәрдә җәм қилишта актип рол ойнайдиғанлиқиға болған ишәнч-арзусини ипадилиди.
ахирида зияритимизни қобул қилған шивитсийә уйғур комитениң рәиси абдушүкүр самсақ сутуқ буғра уйғур мәсчитиниң тәрәққияти үчүн өзиниң һәссә қошидиғанлиқини билдуруди.
зиярәткә кәлгән меһманлар соһбәттин кейин мәсчит һәйити тәрпидин тәйярланған йимәкләргә еғиз тәгди.
паалийәт шу йәр вақти 11:30дин 1гичә давам қилди.

уйғур боксурчи фаруқ қурбануф явропа чимпийонлуққа еришти

Белгийәдә яшаватқан уйғур боксурчи фаруқ садиқ өзи билән охшаш дәриҗиликләр мусабисидә 2016-йили 10-айда Белгийәдә чимпийонлуққа еришкән иди.
2017-йили 3-айниң 25-күни фенландийәдә өткүзүлгән явропа чимпйонлуқини таллаш мусабиқисдә фенландийәлик 26яшлиқ маһирни йеңип явропа чимпйонлуқиқа еришти.
фенландийә маһири өзиниң мусабиқә тарихидики 11қетимлиқ мусабиқисиниң 4 қетимида рәқибигә йеңилип қалған.
уйғур бокисчи фаруқ қурбаноф 12қетимлиқ мусабиқә тарихида рәқибигә йеңилип бақмиған.
12айланма учришишта фаруқ рәқиби болған фенландийә маһирини үстүнлүк билән йеңип, явропа чимпийонлуқ кәмирини белигә тақиди.
бу нәтиҗиси билән фаруқ қурбаноф белгйәдики уйғурларғила әмәс бәлки, путун дунядики уйғурларға шәрәп кәлтурди.

қағилиқтики тиҗарәтчи аблимит ақ Хитай таҗавузЧилири тәрипидин түрмидә шеһит қилинди

шәрқий түркистандики ихтияри мухбиримиз сайрамниң билдурушичә, шәрқий түркистанниң қағилиқ наһийиси чачқум базирида турушлуқ 53яшлиқ аблимит ақ өзиниң һалал тиҗарити билән бейиған, коплигән йәр-земинға игә оттураһал деһқан болуп, Хитай таҗавузЧилири тәрипидин 90-йилларда йәр асти дини мәктәптә оқудуң дигән сәвәплик түрмигә мәһкүм қилинған.
2016-йилидики бурун өткүзгән қилмишини мәҗбури тапшуруш сиясий һәркитидә, 2016-йили 2-айда өйидә қолға елинған.Хитай даирилири 2016-йили 11-айниң 14-күни уни түрмидә қийин -қистақта шиһит, қилип аилисигә җәситини ташлап берип, назарәт астида комдургән.
акисиниң түрмидики түюқсиз үлүмидин шубһиләнгән инси абләт ақ Хитай сақЧилириниң ениқлима беришини тәләп қилған. нәтиҗидә Хитай таҗавузЧилири абләт ақ вә аялиға « ашқун идийәдә» дигән җинайәтни артип 10йиллиқтин қамаққа мәһкүм қилған.

шәрқий түркистанға қайтиқан уйғурлар тутқун қилинмақта

йеқинда радиомизға кәлгән учурлардин мәлүм болишичә, Мисир , сәвуди әрбистан, Түркийә , оттура асия дөләтлиридә оқуватқан , тиҗарәт билән шуғуллиниватқан уйғурларниң өз юртидики бихәтәрлик идарисиниң өзлиригә вә вәтәндики уруқ -туққанлириға бесим қилиши нәтиҗисидә аилисигә қайтишқа мәҗбур болуп,қайтип барған уйғурларниң айдурумда тутқун қилинип мәхпи түрмиләргә мәһкүм болғанлиқи ашкарланди.
Мисирда оқуватқан уйғур оқуғучилардин Хитай тәрипини алғанларға вә вәтәндики аилә тавабиатлиридин сиясиға четилип җазаланмиғанларға 3000 йүәндин оқуш ярдәм пули тарқитип берилгән. Хитай таҗавузЧилири бир тәрәптин идийсидә мәсилә бар, дәп қариған яки итқади мустәһкәм болған уйғурларға юмшақ –қаттиқ вастилар билән шәрқий түркистанға қайтип кетишкә бесим қилса , бир тәрәптин абдушүкур дамоллам башлиқ орда моллилирини әвәтип идийә хизмити ишлигән. йеқинда йәнә Хитайниң бихәтәрлик идарисидин тәшкилләнгән омәкни әвәтип кәң –көләмлик қайтуруш хизмити елип баридиғанлиқи мәлум болди.көрғшкә болидуки,
Хитай таҗавзчилар нөвәттә, шәрқий түркистан ичидики әһли илим затларни йоқитип болғандин кейин,әмди Хитай паспортидики вәтән сиртидики әһли илимләрни йоқитишқа атлинип, буниңға мас қәдәмдә шәрқий түркистан ичи вә сиртидики байларни нишанға елип, уларниң мал-мулкини талан-тараҗ қилиш сиясий һәркитини башлимақта. артуш байлиридин он милйондин артуқ иқтисадқа игә 70дин артуқ кишниң қолға елинғанлиқини буниң дәлили дейишкә болиду.

шәрқий түркистанниң қәшқәр шәһиридә вәқә чиқти

шәрқий түркистандики ихтияри мухбиримиз сайрамниң йоллиған учурида мәлум болишичә, 31-март күни Хитай таҗавузЧилириниң муавин секритари җухәйлун қәшқәр шәһиридики путун динни затларни йиғип йиғин ечиватқан болуп, қәшқәрдики уйғур пидаийлар Хитайниң қәшқәр шәһәр ичидики сода –санаәтчиләр банкисиға бинзинлиқ һуҗум қилип баникиға от қуюп бәргән .

игәллишмизчә, банкиниң от тәсирдә путунләй вәйран болғанлиқи, адәм ярлиниш әһвали вә пидаийларниң әсиргә чушкән яки чушмигәнлики һәққидә учур алалмиған болсақму әмма Хитай таҗавузчиларниң қәшқәр шәһиридә омумюзлук ахтурушни башлиғанлиқи, путун хәлиқниң сиртқа чиқишни чәклигәнлики һәмдә җидди һаләтни әң юқири дәриҗигә көтүргәнлики ашкарланди.

биз бу хәвәргә алақидар учурларни давамлиқ йоллап турушқа алланиң ярдими билән тиршимиз. диққитиңлар һәрвақит һойлам тори хәвәр сәһиписидә болсун.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз