mikro xewerler 2-san 2017.01.22

essalamu’eleykum hörmetlik radi’o anglighuchilar, bu heptilik mikro xewerlirimizning asasi mezmuni töwendikiche:

1.Xitay tajawuzChiliri undidar uchur wastilirida bayraq chiqirishni omumlashturmaqta
yéqinda Xitaydiki ijtima’i alaqe wastilirida bolupmu ündidar toplrida tarqiliwatqan bir uqturush we buninggha alaqidar pa’aliyetlerning her qaysi toplarda keng ewij élishi, muhajirettiki uyghurlarning alahide diqqitini tartmaqta.
-2017 yili 1- aydin bashlap, sherqiy türkistanliq uyghurlargha alaqidar bolghan her qaysi ündidar toplirida her düshenbe küni etigen sa’et sekkizde Xitay bayriqini chiqirish uqturishi keng tarqalghan bolup, bu uqturushqa asasen her düshenbe küni seher sa’et 8de her qaysi ündidar toplirida birdek top bashqurghuchilar teripidin Xitay bayriqi chiqiriliwatqan sin körünüsh we Xitay dölet shé’irining uyghurche terjimisi yollinishqa bashlighan.
buninggha munasiwetlik uqturushning mezmunidin melum bolishiche, undidardiki herqaysi top bashqurghuChilirigha bu pa’aliyetni dawamlashturush heqqide bésim qilin’ghanliqi melum .
ündidar toplirida bayraq chiqirishqa munasiwetlik uqturushlarda:

her heptining düshenbe küni (ürümchi waqti )sa’et 8:10 ötkiche barliq ündidar toplirida bayraq chiqirish pa’aliyti élip bérilidu, bu mesilige sel qarighan her qandaq hey’et toptin biwaste chikindürülidu , déyilgen shundaqla yene
topta bayraq chiqirilghan waqitta her qaysi hey’et, pida’iylarning topning tinchliqni saqlighan asasta inkas bildürmey, sükütte turüshi lazimliqi alahide eskertilgen .
démek,Xitay tajawuzChilirining sherqiy türkistan xelqige özining tajawuzchi ikenlikini mejburiy bésim bilen itirap qildurushqa herket qiliwatqanliqi ashkara bolmaqta.

2. réyna hojumchisining tutulushi bilen uyghurlar xatirjem boldi
Türkiye metbu’atlirining 19- yanwar bergen xewerliridin melum bolishiche,Türkiyediki yéngi yil kéchisi yüz bergen réynadiki qanliq weqeni peyda qilghan térorchining tutulishi bilen uyghurlar xatirjem boldi.
weqeni sadir qilghan térorchining weqedin kéyin qéchip yurushi bilen turkiye axbaratlirida kün tertipke kélip, uning da’éshning mensubi bolushtek teripi bilen birlikte, uninggha uyghurlarning yardem qilghanliqi we uning uyghur ikenlikidek türlük xewerler hem bu heqtiki analizlar köpligen axbarat wastilirida yer élip Türkiye we dunyaning herqaysi jaylirida istiqamet qiliwatqan uyghurlarning könglini parakende qilghan idi. uning tutulup iqrar qilishi bilen uyghurlar xatirjem boldi.
istanbul saqChiliri uning én’gilizche bilmeydighanliqini, uni rosche we erep tilida soraq qilghanliqini ashkara qildi.
buning bilen Xitay tajawuzChilirining réynadiki térorluq weqesini uyghurlargha artip, uyghurlarni da’éshchi qilip qarilash suyqesti berbat boldi.

3.Xitay tajawuzchilarning muhajirettiki uyghurlarni uruq tuqqanliri arqiliq bésim qilish herkiti kucheygenliki melum .

sherqiy türkistandin igelligen uchurlardin melum bolishiche, Xitay tajawuzChiliri chet’elde uruq –tuqqanliri bar uyghur a’ililerge shu teweliktiki Xitay kadirdin birni «qoshmaq tuqqan »namida saqChiliqqa qoyghan.
tuqqan bolghan kadir Xitaylar mezkur uyghur a’ililirige yéqinliship hem ularning öyliride bir nechche kün yétip -qopup uyghurlarning öyini közitish bilen birge ularning chet’eldiki tuqqanlirining yaghliq chekken we namaz oquydighanliri bolsa ulargha yaghliq chegmeslik hemde namaz oqumasliq heqqide tuqqanliri arqiliq bésim qilghan.
dimek, Xitay tajawuzChiliri élip bériwatqan qoshmaq tuqqan siyasitining eslide uyghurlarni nazaret qilish hemde ularni dindin suslashturush, chet’eldiki tuqqanlirini konturul qilish wezipisi barliqi ashkara boldi.

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz