микро хәвәрләр 2-сан 2017.01.22

әссаламуәләйкум һөрмәтлик радио аңлиғучилар, бу һәптилик микро хәвәрлиримизниң асаси мәзмуни төвәндикичә:

1.Хитай таҗавузЧилири ундидар учур вастилирида байрақ чиқиришни омумлаштурмақта
йеқинда Хитайдики иҗтимаи алақә вастилирида болупму үндидар топлрида тарқиливатқан бир уқтуруш вә буниңға алақидар паалийәтләрниң һәр қайси топларда кәң әвиҗ елиши, муһаҗирәттики уйғурларниң алаһидә диққитини тартмақта.
-2017 йили 1- айдин башлап, шәрқий түркистанлиқ уйғурларға алақидар болған һәр қайси үндидар топлирида һәр дүшәнбә күни әтигән саәт сәккиздә Хитай байриқини чиқириш уқтуриши кәң тарқалған болуп, бу уқтурушқа асасән һәр дүшәнбә күни сәһәр саәт 8дә һәр қайси үндидар топлирида бирдәк топ башқурғучилар тәрипидин Хитай байриқи чиқириливатқан син көрүнүш вә Хитай дөләт шеириниң уйғурчә тәрҗимиси йоллинишқа башлиған.
буниңға мунасивәтлик уқтурушниң мәзмунидин мәлум болишичә, ундидардики һәрқайси топ башқурғуЧилириға бу паалийәтни давамлаштуруш һәққидә бесим қилинғанлиқи мәлум .
үндидар топлирида байрақ чиқиришқа мунасивәтлик уқтурушларда:

һәр һәптиниң дүшәнбә күни (үрүмчи вақти )саәт 8:10 өткичә барлиқ үндидар топлирида байрақ чиқириш паалийти елип берилиду, бу мәсилигә сәл қариған һәр қандақ һәйәт топтин бивастә чикиндүрүлиду , дейилгән шундақла йәнә
топта байрақ чиқирилған вақитта һәр қайси һәйәт, пидаийларниң топниң тинчлиқни сақлиған асаста инкас билдүрмәй, сүкүттә турүши лазимлиқи алаһидә әскәртилгән .
демәк,Хитай таҗавузЧилириниң шәрқий түркистан хәлқигә өзиниң таҗавузчи икәнликини мәҗбурий бесим билән итирап қилдурушқа һәркәт қиливатқанлиқи ашкара болмақта.

2. рейна һоҗумчисиниң тутулуши билән уйғурлар хатирҗәм болди
Түркийә мәтбуатлириниң 19- январ бәргән хәвәрлиридин мәлум болишичә,Түркийәдики йеңи йил кечиси йүз бәргән рейнадики қанлиқ вәқәни пәйда қилған терорчиниң тутулиши билән уйғурлар хатирҗәм болди.
вәқәни садир қилған терорчиниң вәқәдин кейин қечип юруши билән туркийә ахбаратлирида күн тәртипкә келип, униң даешниң мәнсуби болуштәк тәрипи билән бирликтә, униңға уйғурларниң ярдәм қилғанлиқи вә униң уйғур икәнликидәк түрлүк хәвәрләр һәм бу һәқтики анализлар көплигән ахбарат вастилирида йәр елип Түркийә вә дуняниң һәрқайси җайлирида истиқамәт қиливатқан уйғурларниң көңлини паракәндә қилған иди. униң тутулуп иқрар қилиши билән уйғурлар хатирҗәм болди.
истанбул сақЧилири униң енгилизчә билмәйдиғанлиқини, уни росчә вә әрәп тилида сорақ қилғанлиқини ашкара қилди.
буниң билән Хитай таҗавузЧилириниң рейнадики терорлуқ вәқәсини уйғурларға артип, уйғурларни даешчи қилип қарилаш суйқәсти бәрбат болди.

3.Хитай таҗавузчиларниң муһаҗирәттики уйғурларни уруқ туққанлири арқилиқ бесим қилиш һәркити кучәйгәнлики мәлум .

шәрқий түркистандин игәллигән учурлардин мәлум болишичә, Хитай таҗавузЧилири чәтәлдә уруқ –туққанлири бар уйғур аилиләргә шу тәвәликтики Хитай кадирдин бирни «қошмақ туққан »намида сақЧилиққа қойған.
туққан болған кадир Хитайлар мәзкур уйғур аилилиригә йеқинлишип һәм уларниң өйлиридә бир нәччә күн йетип -қопуп уйғурларниң өйини көзитиш билән биргә уларниң чәтәлдики туққанлириниң яғлиқ чәккән вә намаз оқуйдиғанлири болса уларға яғлиқ чәгмәслик һәмдә намаз оқумаслиқ һәққидә туққанлири арқилиқ бесим қилған.
димәк, Хитай таҗавузЧилири елип бериватқан қошмақ туққан сияситиниң әслидә уйғурларни назарәт қилиш һәмдә уларни диндин суслаштуруш, чәтәлдики туққанлирини контурул қилиш вәзиписи барлиқи ашкара болди.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз