mikro xewerler 3-san

bu heptlik mikro xewerler

öz muxbirimiz artuch bughra xewiri:

sherqiy türkistanda 40neper uyghurgha sot échildi
öz xewrimiz:
sherqiy türkistanning korla shehiri lopnur nahiysining qarchugha yézisida 2017-yili 1-ayning 24-küni ochuq sot éChilip, 40neper uyghur <ilgiri islam dinini yer asti mektepliride ügen’gen> digen jinayet bilen sotlan’ghan.

bu sotqa lopnur nahiyisi we qarchugha yézisidin bolup 5000din artuq kishi mejburiy qatnashqan.
ularning qachan qolgha élin’ghanliqi hemde ularning qanche yilliq qamaqqa mehkum qilin’ghanliqi ashkara qilinmighan bolsimu, emma ularning bu bohtan bilen üzün yilliq qamaqqa mehkum qilindighanliqi éniq.
Xitay tajawuzChilirining sherqiy türkistanda uyghurlarni her xil bohtanlar bilen éghir jazalawatqanliqi ashkare bolmaqta.

sherqiy türkistanning ghulja shehiride 300 ge yéqin uyghur tutqun qilindi
öz xewrimiz:
sherqiy türkistandin igelligen uchurlardin melum bolishiche, 2016-yili 12-ayning 15-küni ghulja shehiridiki ayding meschiti imamining öyini qazanchi saqchixanisidiki saqchilar axturush dawamida öydiki tamaq yigen qacha-qumushlarning köplikidin gumanlinip, öyini keng –kölemlik axturghan. buning bilen yer asti öyide terbiyliniwatqan 10din artuq bala pash bolup qalghan. Xitay saqChiliri imamni we balilarning hemmisi tutup qazanchi saqchixanisigha aprip solighan.
soraqtin kéyin. balilarning ata-anisi we ulargha yardem qilghanlar bolup 300 ge yéqin uyghurni tutqun qilghan.
shuning bilen ghulja shehiride keng kölemlik yer asti öylerni axturush bashlan’ghan. öz eqide-étiqadi üchün zor bedellerni tölewatqan eziz xelqimizning hörlük-eminliki üchün muhajirettiki uyghurlarning herwaqit salih du’ani untup qalmasliqini tewsiye qilimiz.

ghulja shehride bir uyghur yash tutqun qilindi
öz xewrimiz:
Xitay tajawuzChiliri sherqiy türkistanning jenubiy rayonlirida muqimliq namidiki basturushqa kuch chiqarghan sékritarlarni sherqiy türkistanning shimaliy rayonidiki sheherlerge yötkep xizmetni qanat yaydurghanliqi melum.
qeshqer shehrining Xitay sékritarini ghulja shehrige sikritar qilip yötkep kélip, ghuljidiki uyghurlarni teqip qilish, axturushni kucheytkenliki buning bir misali.
2017-yili 1-ayning 5-küni Xitay saqChiliri ghulja shehiri taxta béshi mehellisidiki bir uyghur yashning öyige bésip kirip, mejburiy axturush élip barghan, bu jeryanda uyghur yash Xitay saqchilarning Xitay qanunigha uyghun halda herket élip bérishini, normal turmushigha dexli qilmasliqini tekitligen .buninggha jawaben Xitay saqchilar uyghur yashni <xizmetge dexli –teruz qildi> dep qattiq urghan. tayaqqa chidimighan uyghur yash öydiki pichaqni élip bir Xitay saqchini neq meydanda jehennemge yolgha salghan.
weqe yüz bergendin kéyin,uyghur yashning Xitay tajawuzChilirining alahide qisimliri teripidin urup yarilandurulup, qolgha élin’ghanliqi melum.

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz