микро хәвәрләр 3-сан

бу һәптлик микро хәвәрләр

өз мухбиримиз артуч буғра хәвири:

шәрқий түркистанда 40нәпәр уйғурға сот ечилди
өз хәвримиз:
шәрқий түркистанниң корла шәһири лопнур наһийсиниң қарчуға йезисида 2017-йили 1-айниң 24-күни очуқ сот еЧилип, 40нәпәр уйғур <илгири ислам динини йәр асти мәктәплиридә үгәнгән> дигән җинайәт билән сотланған.

бу сотқа лопнур наһийиси вә қарчуға йезисидин болуп 5000дин артуқ киши мәҗбурий қатнашқан.
уларниң қачан қолға елинғанлиқи һәмдә уларниң қанчә йиллиқ қамаққа мәһкум қилинғанлиқи ашкара қилинмиған болсиму, әмма уларниң бу боһтан билән үзүн йиллиқ қамаққа мәһкум қилиндиғанлиқи ениқ.
Хитай таҗавузЧилириниң шәрқий түркистанда уйғурларни һәр хил боһтанлар билән еғир җазалаватқанлиқи ашкарә болмақта.

шәрқий түркистанниң ғулҗа шәһиридә 300 гә йеқин уйғур тутқун қилинди
өз хәвримиз:
шәрқий түркистандин игәллигән учурлардин мәлум болишичә, 2016-йили 12-айниң 15-күни ғулҗа шәһиридики айдиң мәсчити имаминиң өйини қазанчи сақчиханисидики сақчилар ахтуруш давамида өйдики тамақ йигән қача-қумушларниң көпликидин гуманлинип, өйини кәң –көләмлик ахтурған. буниң билән йәр асти өйидә тәрбийлиниватқан 10дин артуқ бала паш болуп қалған. Хитай сақЧилири имамни вә балиларниң һәммиси тутуп қазанчи сақчиханисиға априп солиған.
сорақтин кейин. балиларниң ата-аниси вә уларға ярдәм қилғанлар болуп 300 гә йеқин уйғурни тутқун қилған.
шуниң билән ғулҗа шәһиридә кәң көләмлик йәр асти өйләрни ахтуруш башланған. өз әқидә-етиқади үчүн зор бәдәлләрни төләватқан әзиз хәлқимизниң һөрлүк-әминлики үчүн муһаҗирәттики уйғурларниң һәрвақит салиһ дуани унтуп қалмаслиқини тәвсийә қилимиз.

ғулҗа шәһридә бир уйғур яш тутқун қилинди
өз хәвримиз:
Хитай таҗавузЧилири шәрқий түркистанниң җәнубий районлирида муқимлиқ намидики бастурушқа куч чиқарған секритарларни шәрқий түркистанниң шималий районидики шәһәрләргә йөткәп хизмәтни қанат яйдурғанлиқи мәлум.
қәшқәр шәһриниң Хитай секритарини ғулҗа шәһригә сикритар қилип йөткәп келип, ғулҗидики уйғурларни тәқип қилиш, ахтурушни кучәйткәнлики буниң бир мисали.
2017-йили 1-айниң 5-күни Хитай сақЧилири ғулҗа шәһири тахта беши мәһәллисидики бир уйғур яшниң өйигә бесип кирип, мәҗбурий ахтуруш елип барған, бу җәрянда уйғур яш Хитай сақчиларниң Хитай қануниға уйғун һалда һәркәт елип беришини, нормал турмушиға дәхли қилмаслиқини тәкитлигән .буниңға җавабән Хитай сақчилар уйғур яшни <хизмәтгә дәхли –тәруз қилди> дәп қаттиқ урған. таяққа чидимиған уйғур яш өйдики пичақни елип бир Хитай сақчини нәқ мәйданда җәһәннәмгә йолға салған.
вәқә йүз бәргәндин кейин,уйғур яшниң Хитай таҗавузЧилириниң алаһидә қисимлири тәрипидин уруп яриландурулуп, қолға елинғанлиқи мәлум.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз