mikro xewerler 5-san

özmuxbirimiz artuch bughra xewiri:

1.istanbuldiki uyghurlar xelq’araliq ana til künini tebriklesh uchün teyyarliq qilmaqta

xelq’ara ana til künning yéqinlishishigha egiship istanbulda yashawatqan uyghurlar uyghur akadémiyisining orunlashturushi bilen 19- féwral yekshenbe küni sa’et 10:00’da fatih sultan mehmet wexpe uniwérsitétida ana til ilmiy muhakime yighinini ötküzmekchi.
mezkur pa’aliyette kélechikimizning kapaliti bolghan iz basarlirimiz üchünmu ayrim waqit ajritilghan bolup, istanbuldiki her qaysi ana til kurslirida oquwatqan perzentlerning weten, millet we dinimiz heqqide yézilghan shé’ir we nesirlirini déklamatsiye qilish we naxsha qilip éytiishige sehne hazirlighan.
muhajirettiki uyghurlar özining ana tilini saqlap qélish üchün, imkaniyiti yar bergen döletlerde ana til kuruslirini échish bilen birge yene, her yili 2-ayning 21-künidiki xelq’ara ana til künini osmurlerge pa’aliyet shekili arqiliq xatirlitip, ana tilini qoghdash we saqlash üchün tirishchanliq körsetmekte.

2.sherqiy türkistanning kucha nahiyisidin tahir hémit tutqun qilindi.

sherqiy türkistandin igelligen uchurlargha asaslan’ghanda, kucha nahiyisining uzun baziri uzun ériq kentide bizekchlik kespi bilen shughullinidighan 45yashliq tahir hémit ötken ayda kucha nahiyilik bixeterlik idarisi terpidin tutqun qilin’ghan.
tahir hémit tutulushtin burun uning qol astida ishlewatqan shagirtliridin 5nepiri sewepsz tutqun qilin’ghan bolup, ötken ayda tahir hémitningmu kucha nahiyilik bixeterlik idarisi teripidin öz öyidin tutqun qilin’ghanliqi ashkara boldi.
tahir hémitning nime seweptin tutqun qilin’ghanliqi éniq bolmisimu, Xitay tajawuzChilirining iqtisadi ehwali yaxshi bolghan uyghur tijaretchilernimu her xil bohtanlar bilen tutqun qilip jinayet artish bilen birge iqtsadini bulap –talawatqanliqi melum bolmaqta.

3.Xitay tajawuzChiliri özige sadiq bolghan uyghur kadirlarnimu wezipisidin élip tashlidi

shinxua torining 9-féwral Xitay merkiziy intizam tekshürüsh komitétining tor bétini menbe qilip körsitip élan qilghan xewiride éytilishiche, ürümchidiki ma’arip nazariti partkomining mu’awin sékrétari, nazir sattar sawut intizamgha éghir derijide xilapliq qilghanliqi üchün tekshürülmekte iken. buningdin bashqa, tekshürülüwatqanlarning ichide, xoten wilayetlik j x idarisining mu’awin bashliqi nijat awudun we sabiq mu’awin bashliqi, mu’awin nazir derijilik razwitchik ili imin, sherqiy türkistanda turushluq Xitayning j x nazariti alahide saqchi etritining xoten tarmaq etriti bashliqi abduqadir abla, xoten sheherlik j x idarisi partkomining mu’awin sékrétari we siyasiy yétekchisi yalqun abdurazaq, qaraqash nahiyelik j x idarisi partkomining mu’awin sékrétari we siyasiy yétekchisi ababekri éli, xoten wilayetlik j x idarisi dölet amanliqi tarmaq etritining bölüm derijilik sabiq saqchisi muxter tursunlar bar iken.
tekshürülüwatqanlarning hemmisining uyghur ikenliki hemde buning sherqiy türkistan’gha yéngi teyinlen’gen Xitay sékrétari chén chüen’goning Xitayning uyghur rayonidiki partkom intizam tekshürüsh komitétining 2‏-nöwetlik yighinida, «ikki guruh» hemde «ikki yüzlimiChilik» qilghanlarni qattiq jazalaydighanliqlirini élan qilghandin kéyin’ge toghra kelgenliki xelq’aradiki siyasi közetküchilerning alahide diqqitini tartmaqta.

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz