микро хәвәрләр 5-сан

өзмухбиримиз артуч буғра хәвири:

1.истанбулдики уйғурлар хәлқаралиқ ана тил күнини тәбрикләш учүн тәйярлиқ қилмақта

хәлқара ана тил күнниң йеқинлишишиға әгишип истанбулда яшаватқан уйғурлар уйғур академийисиниң орунлаштуруши билән 19- феврал йәкшәнбә күни саәт 10:00’да фатиһ султан мәһмәт вәхпә университетида ана тил илмий муһакимә йиғинини өткүзмәкчи.
мәзкур паалийәттә келәчикимизниң капалити болған из басарлиримиз үчүнму айрим вақит аҗритилған болуп, истанбулдики һәр қайси ана тил курслирида оқуватқан пәрзәнтләрниң вәтән, милләт вә динимиз һәққидә йезилған шеир вә нәсирлирини декламатсийә қилиш вә нахша қилип ейтиишигә сәһнә һазирлиған.
муһаҗирәттики уйғурлар өзиниң ана тилини сақлап қелиш үчүн, имканийити яр бәргән дөләтләрдә ана тил куруслирини ечиш билән биргә йәнә, һәр йили 2-айниң 21-күнидики хәлқара ана тил күнини осмурләргә паалийәт шәкили арқилиқ хатирлитип, ана тилини қоғдаш вә сақлаш үчүн тиришчанлиқ көрсәтмәктә.

2.шәрқий түркистанниң куча наһийисидин таһир һемит тутқун қилинди.

шәрқий түркистандин игәллигән учурларға асасланғанда, куча наһийисиниң узун базири узун ериқ кәнтидә бизәкчлик кәспи билән шуғуллинидиған 45яшлиқ таһир һемит өткән айда куча наһийилик бихәтәрлик идариси тәрпидин тутқун қилинған.
таһир һемит тутулуштин бурун униң қол астида ишләватқан шагиртлиридин 5нәпири сәвәпсз тутқун қилинған болуп, өткән айда таһир һемитниңму куча наһийилик бихәтәрлик идариси тәрипидин өз өйидин тутқун қилинғанлиқи ашкара болди.
таһир һемитниң нимә сәвәптин тутқун қилинғанлиқи ениқ болмисиму, Хитай таҗавузЧилириниң иқтисади әһвали яхши болған уйғур тиҗарәтчиләрниму һәр хил боһтанлар билән тутқун қилип җинайәт артиш билән биргә иқтсадини булап –талаватқанлиқи мәлум болмақта.

3.Хитай таҗавузЧилири өзигә садиқ болған уйғур кадирларниму вәзиписидин елип ташлиди

шинхуа ториниң 9-феврал Хитай мәркизий интизам тәкшүрүш комитетиниң тор бетини мәнбә қилип көрситип елан қилған хәвиридә ейтилишичә, үрүмчидики маарип назарити парткоминиң муавин секретари, назир саттар савут интизамға еғир дәриҗидә хилаплиқ қилғанлиқи үчүн тәкшүрүлмәктә икән. буниңдин башқа, тәкшүрүлүватқанларниң ичидә, хотән вилайәтлик җ х идарисиниң муавин башлиқи ниҗат авудун вә сабиқ муавин башлиқи, муавин назир дәриҗилик развитчик или имин, шәрқий түркистанда турушлуқ Хитайниң җ х назарити алаһидә сақчи әтритиниң хотән тармақ әтрити башлиқи абдуқадир абла, хотән шәһәрлик җ х идариси парткоминиң муавин секретари вә сиясий йетәкчиси ялқун абдуразақ, қарақаш наһийәлик җ х идариси парткоминиң муавин секретари вә сиясий йетәкчиси абабәкри ели, хотән вилайәтлик җ х идариси дөләт аманлиқи тармақ әтритиниң бөлүм дәриҗилик сабиқ сақчиси мухтәр турсунлар бар икән.
тәкшүрүлүватқанларниң һәммисиниң уйғур икәнлики һәмдә буниң шәрқий түркистанға йеңи тәйинләнгән Хитай секретари чен чүәнгониң Хитайниң уйғур районидики партком интизам тәкшүрүш комитетиниң 2‏-нөвәтлик йиғинида, «икки гуруһ» һәмдә «икки йүзлимиЧилик» қилғанларни қаттиқ җазалайдиғанлиқлирини елан қилғандин кейингә тоғра кәлгәнлики хәлқарадики сияси көзәткүчиләрниң алаһидә диққитини тартмақта.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз