roh durdaniliri 4-san

 

 

5-fébral ghulja weqesi xelqimizning yéqinqi zaman tarixida yüz bergen muhim siyasi weqelerning biri. u zulum we asmilatsiyege duchar bolghan xelqimizning hörlükke,insani yashashqa bolghan bir qétimliq heqqani herkiti we mustemlike zulmigha qarshi isyankarliq rohining yarqin namayendisi. gerche bu heqqani heriket Xitay mustebitliri teripidin qanliq basturulghan bolsimu ,lékin shéhitlirimizning issiq qanliri bedilige yéngi tang quyashining ulugh weten tupraqlirida atidighanliqigha ,eziz xelqimizningmu hör hayat hawasidin erkin nepes alidighanliqigha ishenchimiz kamil. töwende abduweli tursun ependining 5-fébral ghulja shéhitliri xatirisige béghishlap yazghan < unda elning heqqi bar> namliq shé’iri hozurunglarda bolidu.

unda elning heqqi bar

( 5-fébral ghulja shéhitliri xatirisige béghishlaymen)

aptori : abduweli tursun

mikrofunda: qaraxan

ézer dilni bir kechmish,bir qismetning hesriti,
chunki unda horlukning bedili bar ,qéni bar.
qehritanning dehshiti heywe qilghan demlerde,
baharlarni chillighan qehrimanning üni bar .
tupriqini baghashlap,yurikide yer soyup,
yawgha boyun egmigen jan xelqimning kuyi bar.

ghurur, soygu, eqide menzilide yol alghan,
sadir,ghéni rohini wujudigha kuch qilghan ,
adaletning tughuni qollirida oynatqan,
gheplet basqan dunyani qedimide oyghatqan,
qehri-ghezep,peymandin yaw koksige oq atqan,
jan ghuljamning soyumluk, nadir oghul-qizi bar.

unda hijran chirmighan wisallarning nuri bar,
wijdanlarda qoghdalghan ippetlerning guli bar,
ejdatlardin ulashqan insanliqning yoli bar,
unda heqni istigen bir kongul bar bighubar,
ah,niteyki! bu hayat shu kongulge intizar,
unda ashu armanning dertliri bar,izi bar.

kun kélidu bir peyt , el bextige tang atar,
seher kulgen zer quyash zawallargha ot yaqar,
qelblerni segitse yéngi pesil- gul bahar,
shehitlerning armini mazarlarda gul achar,
ah! wetenning ashiqi shundila bextin tapar,
chunki, heqning da’ima dertmen’ge baqqan kozi bar .

2017-yili 4-fébral shehri gézékéde yézildi.

yingi hayat
(ibrahim ibni abdullah ghamidining shu namliq erepche maqalisige asasen özleshturup terjime qilindi)

terjime qilghuchi: mirkamiljan kashgherli
1999 – yili

mikrofunda: abdusalam niyaz uyghur

insan dunyada ikki qétim hayatliqqa érishidu. birinchi qétim, anining qarangghu qorsiqidin yoruq dunyagha köz achqanda. ikkinchi qétim, zulmetlik asiyliqtin nurluq ita’etke qedem qoyghanda.
birinchi qétimliq hayat uyghurlargha, Xitaylargha, yaxshilargha hem yamanlargha, qurut – qongghuz, uchar qanatlargha shundaqla barliq tash – tupraq, ösümlüklerge ortaq nisip bolidu. emma ikkinchi qétimliq hayat allah ta’ala hidayet we istiqametke bashlash arqiliq dunya we axirette nusret ata qilmaqchi bolghan eng bexitlik, qismetke bay kishilergila mensup bolidu.
bu hayat insanning yéshigha baqmaydu
bu hayat siizge ata qiliniwatqanda, siz shérin hayatqa téxi emdila qedem qoyushqa bashlighan yaki yashliq baharingizning güzel neghmiliridin zoqlinishqa bashlighan, yéshingiz 40 yaki 60 tin halqighan, hayatliq sepiringizni tamamlap, ölüm derwazisini chékish aldida turghan yaki téxi emdila qarangghu qosaqtin yoruq dunyagha kélish aldida turghan chéghingiz bolishimu mumkin.
bu hayat orun’gha baqmaydu
bu hayat sizge ata qiliniwatqanda, siz birer butxana yaki mesjid ichide, yol üstide yaki öyingiz ichide, turmining qarangghu xilwetliride yaki erkin dunyaning sap hawaliq girwekliride olturghan, késel karwitida mamatliq jéngini qiliwatqan yaki xizmet aldirashChiliqida turmush ghémini qiliwatqan bolishingizmu mumkin. asiyaning kengri yaylaqlirida yaki afriqining yalqunluq sehralirida, taghlarning meghrur choqisida yaki bayawanning qum- barxanliq uchisida timisqilap yürgen, shundaqla heremning azade hoylisida tepekkur ünChilirini izdep yürgen bolishingizmu mumkin.
bu hayatning mexsus bir sewebi bolmaydu
buning sewebi bir yaxshi nesihet yaki bir yaxshi muhit weyaki bir ixlasmen dostingizning ghayibane du’asi bolishimu mumkin. hemde birer qétimliq chüsh yaki birer qitimliq renjish bolishimu mumkin. yene bezide buning hich qandaq sewebimu tipilmay qalidu. qanChilighan kishiler sizge baliliqidin yashliqigha qedem qoyup, taki qérip dunyadin widalashqiche mesjid ularning öyi shundaqla qur’an ularning tiligha aylan’ghan halda uchrapmu turidu.
bu hayatning mudditi we chéki bolmaydu
bu hayatning dawamigha birer achchiq azaplinarliq halet yaki birer tatliq xushallinarliq halet tesir körsitelmeydu. buning mudditi bezide bir demlik, yene bezide nechche on yilliq bolidu. u bezide öyingizning tot témini, yene bezide pütün asman – zéminni öz qoynigha alghan bolidu. hemde bezide mexpi, yene bezide ashkara, parlaq qoyashtek hemmige ayan bolidu.
bu hayat, waqit hem pesilge baqmaydu
bu hayat sizge özining nurluq jamalini kéchining zulmetlik qarangghuliqida yaki kündüzning yoruq aptapliqida, illiq baharning meyin shamallirida yaki rehimsiz küzning dehshetlik boranlirida willide körsitishimu mumkin. bu hayat dem ilish pursetliride yaki aldirash xizmet sepliride, shatliqning cheksizlikige shungghighan yaki ghem – qayghuning edepsizlikige uchrighan waqitingizda, lippide kélip bishingizgha qonishimu mumkin. bu hayat tuydurmastin yoshurun, yaki tuydurup ashkare, bir dem ichidila qismitingizning zinnitige aylinishimu mumkin.
bu hayatni zadi néme déyish kérek?
bu hayatni asiyliq zulmetliridin nurloq ita’etke, tingirqash tengqisliqidin rahetlik memnuniyetke, xar – zebunluq azgalliridin yükseklik ershige, dunyada yuqiri izzet mertiwige shundaqla axirette menggülük bextiyarliqqa qedem qoyush, déyish lazim.
bu hayatni qolgha keltürüsh üchün munularni hazirlashqa toghra kélidu:
azapliq qelb we béqarar roh bilen uninggha telpünüsh.

aldinqi ishlargha nadametke chömgen, kelgüsidiki hidayettin ümütke pürken’gen halda öz – özidin hésap élish.

heqqaniyet we sadaqetke bolghan wijDaniy teqezza hemde chin qaynaq héssiyat bilen közidin yash töküsh .

allahqa bolghan cheksiz ita’et we mukemmel bendiChilikni chongqur hés qilghan halda sejdige bash qoyush.

emise kiling, teyyerliqingiz pütken bolsa, biz birlikte bu yéngi hayatni qizghin qarshi alayli!

rohimizdiki béqararliq, qelbimizdiki iztirapliq telpünüsh bilen.
tewbining issiq yashliri, kökrektiki yalqunluq ishtiyaq bilen.
kemterlik, pidakarliq, qizghinliq hem shat ـ xoramliq bilen.
musteqil ghaye, mustehkem irade, sebir hem qana’et bilen.
ölmes ishench, yingilmes umut, pidakarane emiliyet bilen.
könglimiz yoruq, qelb azade, teshekkürlük sejdimiz bilen.
qarshi alayli bu yéngi hayatni nadametlik tewbimiz bilen.

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz