роһ дурданилири 4-сан

 

 

5-фебрал ғулҗа вәқәси хәлқимизниң йеқинқи заман тарихида йүз бәргән муһим сияси вәқәләрниң бири. у зулум вә асмилатсийәгә дучар болған хәлқимизниң һөрлүккә,инсани яшашқа болған бир қетимлиқ һәққани һәркити вә мустәмликә зулмиға қарши исянкарлиқ роһиниң ярқин намайәндиси. гәрчә бу һәққани һәрикәт Хитай мустәбитлири тәрипидин қанлиқ бастурулған болсиму ,лекин шеһитлиримизниң иссиқ қанлири бәдилигә йеңи таң қуяшиниң улуғ вәтән тупрақлирида атидиғанлиқиға ,әзиз хәлқимизниңму һөр һаят һавасидин әркин нәпәс алидиғанлиқиға ишәнчимиз камил. төвәндә абдувәли турсун әпәндиниң 5-фебрал ғулҗа шеһитлири хатирисигә беғишлап язған < унда әлниң һәққи бар> намлиқ шеири һозуруңларда болиду.

унда әлниң һәққи бар

( 5-фебрал ғулҗа шеһитлири хатирисигә беғишлаймән)

аптори : абдувәли турсун

микрофунда: қарахан

езәр дилни бир кәчмиш,бир қисмәтниң һәсрити,
чунки унда һорлукниң бәдили бар ,қени бар.
қәһританниң дәһшити һәйвә қилған дәмләрдә,
баһарларни чиллиған қәһриманниң үни бар .
туприқини бағашлап,юрикидә йәр союп,
явға боюн әгмигән җан хәлқимниң куйи бар.

ғурур, сойгу, әқидә мәнзилидә йол алған,
садир,ғени роһини вуҗудиға куч қилған ,
адаләтниң туғуни қоллирида ойнатқан,
ғәпләт басқан дуняни қәдимидә ойғатқан,
қәһри-ғәзәп,пәймандин яв коксигә оқ атқан,
җан ғулҗамниң союмлук, надир оғул-қизи бар.

унда һиҗран чирмиған висалларниң нури бар,
виҗданларда қоғдалған иппәтләрниң гули бар,
әҗдатлардин улашқан инсанлиқниң йоли бар,
унда һәқни истигән бир коңул бар биғубар,
аһ,нитәйки! бу һаят шу коңулгә интизар,
унда ашу арманниң дәртлири бар,изи бар.

кун келиду бир пәйт , әл бәхтигә таң атар,
сәһәр кулгән зәр қуяш завалларға от яқар,
қәлбләрни сәгитсә йеңи пәсил- гул баһар,
шәһитләрниң армини мазарларда гул ачар,
аһ! вәтәнниң ашиқи шундила бәхтин тапар,
чунки, һәқниң даима дәртмәнгә баққан кози бар .

2017-йили 4-фебрал шәһри гезекедә йезилди.

йиңи һаят
(ибраһим ибни абдуллаһ ғамидиниң шу намлиқ әрәпчә мақалисигә асасән өзләштуруп тәрҗимә қилинди)

тәрҗимә қилғучи: миркамилҗан кашғәрли
1999 – йили

микрофунда: абдусалам нияз уйғур

инсан дуняда икки қетим һаятлиққа еришиду. биринчи қетим, аниниң қараңғу қорсиқидин йоруқ дуняға көз ачқанда. иккинчи қетим, зулмәтлик асийлиқтин нурлуқ итаәткә қәдәм қойғанда.
биринчи қетимлиқ һаят уйғурларға, Хитайларға, яхшиларға һәм яманларға, қурут – қоңғуз, учар қанатларға шундақла барлиқ таш – тупрақ, өсүмлүкләргә ортақ нисип болиду. әмма иккинчи қетимлиқ һаят аллаһ таала һидайәт вә истиқамәткә башлаш арқилиқ дуня вә ахирәттә нусрәт ата қилмақчи болған әң бәхитлик, қисмәткә бай кишиләргила мәнсуп болиду.
бу һаят инсанниң йешиға бақмайду
бу һаят сиизгә ата қилиниватқанда, сиз шерин һаятқа техи әмдила қәдәм қоюшқа башлиған яки яшлиқ баһариңизниң гүзәл нәғмилиридин зоқлинишқа башлиған, йешиңиз 40 яки 60 тин һалқиған, һаятлиқ сәпириңизни тамамлап, өлүм дәрвазисини чекиш алдида турған яки техи әмдила қараңғу қосақтин йоруқ дуняға келиш алдида турған чеғиңиз болишиму мумкин.
бу һаят орунға бақмайду
бу һаят сизгә ата қилиниватқанда, сиз бирәр бутхана яки мәсҗид ичидә, йол үстидә яки өйиңиз ичидә, турминиң қараңғу хилвәтлиридә яки әркин дуняниң сап һавалиқ гирвәклиридә олтурған, кесәл карвитида маматлиқ җеңини қиливатқан яки хизмәт алдирашЧилиқида турмуш ғемини қиливатқан болишиңизму мумкин. асияниң кәңри яйлақлирида яки африқиниң ялқунлуқ сәһралирида, тағларниң мәғрур чоқисида яки баяванниң қум- барханлиқ учисида тимисқилап йүргән, шундақла һәрәмниң азадә һойлисида тәпәккур үнЧилирини издәп йүргән болишиңизму мумкин.
бу һаятниң мәхсус бир сәвәби болмайду
буниң сәвәби бир яхши нәсиһәт яки бир яхши муһит вәяки бир ихласмән достиңизниң ғайибанә дуаси болишиму мумкин. һәмдә бирәр қетимлиқ чүш яки бирәр қитимлиқ рәнҗиш болишиму мумкин. йәнә бәзидә буниң һич қандақ сәвәбиму типилмай қалиду. қанЧилиған кишиләр сизгә балилиқидин яшлиқиға қәдәм қоюп, таки қерип дунядин видалашқичә мәсҗид уларниң өйи шундақла қуран уларниң тилиға айланған һалда учрапму туриду.
бу һаятниң муддити вә чеки болмайду
бу һаятниң давамиға бирәр аччиқ азаплинарлиқ һаләт яки бирәр татлиқ хушаллинарлиқ һаләт тәсир көрситәлмәйду. буниң муддити бәзидә бир дәмлик, йәнә бәзидә нәччә он йиллиқ болиду. у бәзидә өйиңизниң тот темини, йәнә бәзидә пүтүн асман – земинни өз қойниға алған болиду. һәмдә бәзидә мәхпи, йәнә бәзидә ашкара, парлақ қояштәк һәммигә аян болиду.
бу һаят, вақит һәм пәсилгә бақмайду
бу һаят сизгә өзиниң нурлуқ җамалини кечиниң зулмәтлик қараңғулиқида яки күндүзниң йоруқ аптаплиқида, иллиқ баһарниң мәйин шамаллирида яки рәһимсиз күзниң дәһшәтлик боранлирида виллидә көрситишиму мумкин. бу һаят дәм илиш пурсәтлиридә яки алдираш хизмәт сәплиридә, шатлиқниң чәксизликигә шуңғиған яки ғәм – қайғуниң әдәпсизликигә учриған вақитиңизда, липпидә келип бишиңизға қонишиму мумкин. бу һаят туйдурмастин йошурун, яки туйдуруп ашкарә, бир дәм ичидила қисмитиңизниң зиннитигә айлинишиму мумкин.
бу һаятни зади немә дейиш керәк?
бу һаятни асийлиқ зулмәтлиридин нурлоқ итаәткә, тиңирқаш тәңқислиқидин раһәтлик мәмнунийәткә, хар – зәбунлуқ азгаллиридин йүксәклик әршигә, дуняда юқири иззәт мәртивигә шундақла ахирәттә мәңгүлүк бәхтиярлиққа қәдәм қоюш, дейиш лазим.
бу һаятни қолға кәлтүрүш үчүн мунуларни һазирлашқа тоғра келиду:
азаплиқ қәлб вә беқарар роһ билән униңға тәлпүнүш.

алдинқи ишларға надамәткә чөмгән, кәлгүсидики һидайәттин үмүткә пүркәнгән һалда өз – өзидин һесап елиш.

һәққанийәт вә садақәткә болған виҗДаний тәқәзза һәмдә чин қайнақ һессият билән көзидин яш төкүш .

аллаһқа болған чәксиз итаәт вә мукәммәл бәндиЧиликни чоңқур һес қилған һалда сәҗдигә баш қоюш.

әмисә килиң, тәййәрлиқиңиз пүткән болса, биз бирликтә бу йеңи һаятни қизғин қарши алайли!

роһимиздики беқарарлиқ, қәлбимиздики изтираплиқ тәлпүнүш билән.
тәвбиниң иссиқ яшлири, көкрәктики ялқунлуқ иштияқ билән.
кәмтәрлик, пидакарлиқ, қизғинлиқ һәм шат ـ хорамлиқ билән.
мустәқил ғайә, мустәһкәм ирадә, сәбир һәм қанаәт билән.
өлмәс ишәнч, йиңилмәс умут, пидакаранә әмилийәт билән.
көңлимиз йоруқ, қәлб азадә, тәшәккүрлүк сәҗдимиз билән.
қарши алайли бу йеңи һаятни надамәтлик тәвбимиз билән.

җаваб йезиш

електиронлуқ хәт адресиңиз ашкариланмайду. * бәлгиси барларни чоқум толдурусиз