siyaset sehnisi 20-san



doktor erkin ekrem bilen söhbet.

essalamu eleykum qedirlik radi’o anglighuchilar, siyaset sehnisi programmimizning 18 – sanigha xush keldinglar. men programma riyasetchisi abdusalam niyaz uyghur

Türkiye hajitepe uniwérsitéti oqutquchisi, Türkiye sitratigiyilik chüshenche inistitoti mutexesisi we dunya uyghur qurultiyi mu’awin re’isi doktor erkin ekrem ependi.

Amérika – xittay munasiwiti keskinleshken weziyette, 12- april xittay jenubi déngizda dölet qurghandin buyanqi eng chong kölemlik herbiy paratni ötküzdi. xittay rosiyedin sétiwilip, yéngilap yasighan lyawning namliq awiyamatkisi bilen jenubi déngizda heywe körsetken boldi. emma, oxshash waqitta xittay jenubi déngiz rayonida, roziwilit namliq awiyamatka bashChiliqidiki Amérika déngiz armiyisimu herbiy maniwir ötküzgen, ikki terep nahayiti yéqinlashqan. shuning bilen esli waqtidin kéchiktürüp ötküzülgen xittay herbiy parati yene esli pilandikidin bir kün burun ayaqlashqan. xittayning bashta herbiy maniwir ötküzmekchi bolup, kéyin kéchiktürüp herbiy parat ötküzüshi, Amérika awiyamatkilirining jenubi déngizda herbiy maniwir ötküzüshige yol qoyushi hetta, özining herbiy paratlirini aldin’ala ayaqlashturushi némilerni ipadileydu? xittayning jenubi déngizda peyda qilghan sün’iy aralliri jenubi déngiz istiratigiyeside qandaq ri’al ehmiyetke ige?

7- april, Süriye hökümiti sherqi ghowtening duma kentide yerlik öktichilerge ximiyelik qoral ishlitip, 40tin artuq xelqning zeherlinip ölüshige seweb bolghandin kéyin, Amérika, en’giliye, ڧiransiye Qatarliq döletler Süriye we Süriyeni qollawatqan Iran we rosiyeni eyibligen, ximiyelik qoralgha qarita jaza tedbiri qollinidighanliqini bildürgen idi. dégendek Amérika, en’giliye we ڧiransiye 13- april kechte Süriyening ximiyelik qoral tetqiq qilish, saqlash, bashqurush bazisidin ibaret üch nishan’gha bashqurulidighan bomba étip, del jayigha tegküzgen. rosiyening namliq hawa mudapi’e eslihelirimu Amérikining bombisini tosushtin ajiz kelgen. beshshar esed hökümitini qoghdawatqan rosiye bolsa Amérika Süriyege hujum qilsa, qayturma zerbe béridighanliqini éytqan bolsimu, hazirghiche héchqandaq emeliy heriket qollan’ghini yoq. Amérika Süriyedin 2000 neper eskirini chékindürüp chiqidighanliqini éytqan, xittay bilen soda munasiwiti keskinleshken mezgilde, Amérikining yene rosiye bilen qériship Süriyege herbiy heriket qollinishining asasliq sewebi néme? Amérika xittay we rosiye bilen birla waqitta tutushup qélishtin qorqmamdu? ötken yili Süriyening cheklen’gen ximiyelik qoral ishlitishige biterep pozitsiye tutqan xittay bu yil némishqa rosiye we Süriyege yan basidu? Amérika rastinla Süriyedin chékinip chiqamdu?

18- april, tirampning bildürüshiche Amérika merkizi axbarat idarisining bashliqi mayk pompiyo shimaliy Koriyeni mexpi ziyaret qilghan, ikki terep söhbiti nahayiti ongushluq bolghan. yéqinqi bir ikki ayni eslisek, 3- aydin buyan kim yung’un bekla aldirash bolup ketti. u awal 8-martta Koriyening yarashturushi türtkiside tiramp bilen 5-ayda körüshmekchi bolghan idi. arqidinla 25- martta, shi jinpingning teklipi bilen béyjingda mexpi ziyarette boldi. emdilikte yene Amérika terep bilen köngüllük söhbetlerni ötküzüp yürüptu. kim yung’un ikki qéyiqqa teng dessep, yadro qoral mesilisini yene arqigha sozush meqsitige yételemdu? tiramp awamning yadro qorali dep nam alghan ximiyelik qoral mesiliside nahayiti keskin tedbir qollinip, Süriyege hawa hujum qilghandin kéyinla , heqiqi yadro qoral igisi kimyung’un’gha elchi ewetti. Süriyening ximiyelik qoraligha qarshi jaza hujumi shimaliy Koriyege qandaq tesir peyda qilishi mumkin?

shi ning erdoghan bilen körüshishi nime sewebtin ? rayon mesilisi dégende qandaq mesililer közde tutulghan ? bu körüshüshning Amérika
uyghurlar mesilisini sörep chiqishi bilen baghlinishi barmu qandaq ?

erdoghan bilen Süriye mesiliside sözleshti deptu ,nime üchün ? bu jehette Türkiye bilen Xitayning pikir ortaqliqi yoq idighu ?

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz