siyaset sehnisi 25-san


ghulam osman yaghma ependi bilen söhbet.

essalamu eleykum qedirlik radi’o anglighuchilar. siyaset sehnisining 25 – sanigha xush keldinglar. men programma riyasetchisi abdusalam niyaz uyghur bügün biz yazghuchi, pishqedem inqilapchi ghulam osman ependini programmimiz teklip qilghan iduq. ghulam osman akimiz gerche salametligi yaxshi bolـmisimu, yenila söhbitimizni qobul qilidi. eng awal, gholamkamning eziz ténige salametlik, xizmetlirige beriket, weten- xelqige ikki dunyaliq bext – sa’adet tileymiz! gholamkamning bitap waqitliridimu radi’o ziyaritimizni qobul qilghinigha semimiy rehmitimizni bildürimiz.

1- amrika uyghur yashliri chaqiriq qilghan 6- ayning 4- küni amrikida ötküzülidighan namayish chaqiriqi tizla köplep alqishqa iriship, herqaysi dölettiki yashlarning aktip awaz qoshushigha irishmekte. sizmu hem yuqarqi widiyoda salametlik ehwalingiz yar berse shu namayishqa qatnishish niyitingizning barliqini, baralmisingizmu bashqilarni shu namayishqa küchep terghip qilidighanliqingizni bildürüpsiz. 4- iyul namayishining meqsiti néme? qandaq ehmiyetke ige? bu yil ichide biz bir qanChilighan chong namayishlargha shahit bolduq, xelq’ara midiyalarda uyghurlargha köz qarashlarning özgiriwatqanliqigha, hisdashliqning küchiyiwatqanliqigha diqqet qilduq. emma nurghun kishiler yenila namayish we yazma murajetname, doklat teyyarlash, xelq’araliq söhbetlerge qatnishish Qatarliq ishlarni ehmiyetsiz dep qaraydu. siz shuninggha oxshash namayish we xelq’ara söhbet we yazma teshwiqatlardin chekliniwatqan, shekliniwatqan kishilerge yene qandaq nesihetliringiz bar?

2- yiqinda torlarda keng tarqalghan uyghur qizining Xitayche toy kiyimi kiyip, Xitay bilen toyi boliwatqanliq toghrisidiki qisqa widiyo muhajirette yashawatqan köpligen uyghurlarning yürikige pichaq bolup sanjildi. bu widiyo yene eljezire ڧiransuzche xewiri, ereb, türk, Xitay midiyalirida orun aldi. Xitaylarning uyghur qizliri bilen mejburlap toy qiliwatqanliqi toghrisidiki xewerler gerche bundin burunmu anglan’ghan, resimlik xewerler chiqqan bolsimu, yuqarqi widiyodiki uyghur qizining nahayiti bi’aram janliq chiray ipadisi köp ghulghula qozghidi. torlarda bir ish qilish, heriketke ötüsh, quralliq armiye qurush toghrisida chaqiriqlar köp bolmaqta. exmetjan osman ependimu:« yitip ölgüche itip öley deymen« digendek chaqiriq yazmilarni yazghan boldi. sizningche biz hazirqi weziyette quralliq heriketke ötüsh yaki armiye qurush shara’itigha igimu? kelgüsi yiqin mezgilde quralaymizmu? sizningche sherqi türkistanliqlar bu ar- numus depsendiChilikige qarshi qandaq qilishi kirek?

3- yiqinda siz sözligen « inqilabning monopolluqi, sinaqlar, yardemlerning shertliri« toghrisida mawuzsidiki bir sa’etlik tesirlik widiyo qizghin alqishqa irishti we küchlük munazire qozghidi. munazire qozghighan témilardin biri inqilap monopolluqi bolmaqta. sizningche sherqiy türkistanning azadliq we musteqilliqi yolidiki dewada inqilap monopulluqining mewjutliqidiki seweb nime? léksiyingizde tilgha sherqiy türkistan wexpi we sizning inqilap yolida uchrighan tosalghuliringiz we uning sewebliri we hel qilish usuli heqqide oylighanliringizni radi’o anglighuChilirimizgha sözlep bérelemsiz?

4- siz 20 yil awal yazghan sherqi türkistan azatliq yolida izdinish serlewhelik maqale kitabliringizda sherqi türkistan dewasini yuqiri baldaqqa kötürüsh üchün teshwiqatqa küchesh, dewa iqtisadida musteqil bolush, chet’elde mewjutluqni saqlash üchün milliy ma’aripqa küchesh Qatarliq mezmunlarda chaqiriq qilghan idingiz. 20 yildin kiyin biz sizning shu chaqiriqliringizning yenila tüzük emelge ashmighanliqini, texirsiz muhim ikenlikini his qilmaqtimiz. sizning his qilishingizche, 20 yildin buyan sherqi türkistan inqilabida qandaq muweppiqiyetler qolgha keltürüldi? qandaq ejellik xataliqlar yenila saqlanmaqta? néme üchün qisqa iyitsaq 20 yil, uzun iytsaq 70 yilliq dewa köreshlirimizde hilihem shu chaqiriqlarni emelge ashuralmaymiz? bularni bularni tüzesh üchün qandaq tirishchanliq we qanChilik waqit kitishi mumkin?

jawab yézish

éléktironluq xet adrésingiz ashkarilanmaydu. * belgisi barlarni choqum toldurusiz